కొత్తసంవత్సరానికి ఏంచెప్పాలి!?
సంవత్సరం ఆఖరున...కొత్తసంవత్సరం ఆరంభాలు భలేవుంటాయికదా! నిరుడు ఆచరించలేనివాగ్దానాలు పోతూపోతూ కొత్త వాటిని వెక్కిరిస్తూపోవడం.. క్యాలండర్ లో చివరిపేజీ చూస్తుంటే ముందువెళ్ళినరోజులు వెనక్కితిరిగి ముగిసిపోయిన సంగతులను నాముందుంచి ఓసారిచూసుకో ఎలావున్నాయో .... అంటూ నిట్టూర్పు వదిలి.."వెంటపెట్టుకుపోడానికి నువ్వు పూర్తిచేసినపనులేమున్నాయని" అంటూవెళ్ళినట్లుంది. లెక్కపెట్టుకోవలసినవి,లెక్కపెట్టనివి,లెక్కతప్పినవిఅన్నీ కలిసిపోయి ఒకటై 'కాలము దూరము ' అని పాడుకుంటూ సమాధానంరాని లెక్కలను గడియారపుముళ్ళకు అప్పజెప్పిపోయాయి. "తప్పంతామీదే... అప్పుడప్పుడూ నడకమార్చి పరుగుపెట్టేశారు.కదా!"ఏడుపుమొహంపెట్టి గడియారంలో మూడు ముళ్ళనీ ప్రశ్నిస్తే.. "నీ మూడ్ కు మాకూ ఎలాంటిసంబంధంవుండదమ్మా..." కదులుతున్నముళ్ళు విసుక్కున్నట్లున్నాయి. .